Мэдээ
13 Dec, 2024
Монгол дахь НҮБ-ын Хөгжлийн хөтөлбөрийн Суурин төлөөлөгч Матилда Димовска Монгол Улсын Их Хурлын гишүүн, Соёл, спорт, аялал жуулчлал, залуучуудын Сайд Ч.Номинтой уулзаж, залуучуудын хөгжлийг дэмжих цогц стратеги боловсруулах, бодлого төсвийн уялдааг хангах замаар үр дүнд суурилсан нэгдсэн удирдлагыг төлөвшүүлэх чиглэлд хамтын ажиллагааг өргөжүүлэх тухай хэлэлцэн, санал солилцлоо.
Уулзалтын үеэр Европын Холбооны санхүүжилттэйгээр НҮБХХ-ийн хэрэгжүүлж буй “Монгол Улсад Тогтвортой хөгжлийн зорилготой уялдсан төсвийн төлөвлөлтөөр хөдөлмөр эрхлэлтийн шинэчлэлийг дэмжих нь” төслийн дэмжлэгтэй боловсруулсан Соёл болон биеийн тамир, спортын салбарын төсвийн зарлагын шинжилгээ, Үр дүнд суурилсан нэгдсэн төлөвлөлтийн гарын авлага зэрэг мэдлэгийн бүтээгдэхүүнээ хуваалцлаа.
"Үр дүнд суурилсан нэгдсэн төлөвлөлт" гарын авлага: https://go.undp.org/4uz
"Соёлын салбарын төсвийн зарлагын шинжилгээ" тайлан: https://bit.ly/48S5vb4
"Биеийн тамир, спортын салбарын төсвийн зарлагын шинжилгээ" тайлан: https://bit.ly/3xugUAi
